{"id":21690,"date":"2025-02-24T22:04:22","date_gmt":"2025-02-24T22:04:22","guid":{"rendered":"https:\/\/moneyformadagascar.org\/?page_id=21690"},"modified":"2025-04-07T18:02:20","modified_gmt":"2025-04-07T18:02:20","slug":"community-power-proving-sustainable-development-works-in-madagascar","status":"publish","type":"page","link":"https:\/\/moneyformadagascar.org\/cy\/our-programmes\/forests-and-livelihoods\/community-power-proving-sustainable-development-works-in-madagascar\/","title":{"rendered":"Grym y gymuned: profi fod datblygu cynaliadwy yn llwyddo ym Madagascar"},"content":{"rendered":"

Mae Arian i Fadagascar a phobl Madagascar wedi dangos y gall datblygu cynaliadwy greu dyfodol gwell i\u2019r ynys, mewn prosiect sy\u2019n grymuso cymunedau i warchod eu hamgylchedd a gwella eu hincwm a\u2019u safonau byw yr un pryd.<\/p>\n

\"\"Mae ein cynllun Grymuso Cymunedau ar Gyfer Cadwraeth a Bywoliaethau ym Madagascar (GCGCBM), gyda chefnogaeth y Critical Ecosystem Partnership Fund (CEPF), wedi llwyddo i helpu miloedd o bobl Madagascar i wella eu hincwm, a\u2019u rheolaeth tros hynny, gan warchod a hyrwyddo\u2019r amgylchedd unigryw, hanfodol, lle maen nhw\u2019n byw.<\/p>\n

Rhwng Gorffennaf 2023 a Rhagfyr 2024, bu ein prosiect yn gweithio gyda chymunedau mewn tair Ardal Bioamrywiaeth Allweddol ym Madagascar: Glannau Afon Onilahy a Chlwstwr Delta Llyn Ihotry-Mangoky yn y De-orllewin, a Tsinjoarivo yn Ucheldiroedd Madagascar.<\/p>\n

Mae Ardaloedd Bioamrywiaeth Allweddol yn cynnwys rhywfaint neu\u2019r cyfan o\u2019r rhain: bioamrywiaeth sydd mewn peryg, bioamrywiaeth sy\u2019n gyfyng o ran daearyddiaeth, bioamrywiaeth sydd o bwys ecolegol eithriadol, prosesau bywydegol anarferol, neu blanhigion a chreaduriaid sydd heb eu tebyg.<\/p>\n

Mae\u2019r tair ardal yn gartref i fywyd gwyllt a phlanhigion sydd wedi eu bygwth, a llawer o\u2019r rheiny\u2019n unigryw i\u2019w rhanbarth, gan gynnwys coedwig bigog Onilahy, lle mae 53% o rywogaethau ac wyth genws llawn yn endemig. Mae hynny\u2019n wir hefyd am lawer o lemwriaid, crwbanod ac adar.<\/p>\n

Mae Clwstwr Delta Llyn Ihotry-Mangoky yn gartref i goedwig baobab a nifer o rywogaethau endemig o greaduriaid a phlanhigion, yn arbennig adar y d\u0175r, tra bod ardal Tsinjaorivo yn cynnwys o leia\u2019 11 rhywogaeth o brimatiaid, 17 rhywogaeth\u00a0 o tenrec (yr amrywiaeth mwya\u2019 ym Madagascar o deulu sy\u2019n unigryw i\u2019r ynys), saith rhywogaeth o gnofilod (a phump o\u2019r rheiny\u2019n endemig), chwech anifail cigysol (a phedwar o\u2019r rheiny\u2019n endemig) ac o leia\u2019 247 rhywogaeth o blanhigion.<\/p>\n

Yn ogystal \u00e2 bod yna gyfrifoldeb arnon ni i gyd i warchod y rhyfeddodau amgylcheddol hyn, mae hefyd er budd pawb ar y blaned: mae coedwigoedd glaw Madagascar a mannau eraill yn rhan gwbl ganolog i\u2019n hymdrechion a\u2019n gobeithion i gyfyngu ar effeithiau niweidiol newid hinsawdd.<\/p>\n

\"\"Ond mae pobl Madagascar, sydd trwy ddamwain eu man geni, wedi cael y cyfrifoldeb o ddiogelu\u2019r adnodd ecolegol unigryw a hanfodol yma, hefyd yn wynebu heriau mawr. Mae tua 79.7% o bobl Madagascar yn byw ar yr isafswm tlodi byd-eang o \u00a31.73 y dydd, neu lai.<\/p>\n

Amaethyddiaeth yw 25% o Gynnyrch Cartref Crynswth (GDP) Madagascar, yn cyflogi 80% o\u2019r bobl ac yn cyfri\u2019 am 80% o asedau\u2019r wlad: mae\u2019n hawdd deall pam ei bod yn demtasiwn i lawer o bobl Falagasaidd glirio rhannau o\u2019r coedwigoedd glaw er mwyn cael tir ychwanegol ffrwythlon i\u2019w ffermio.<\/p>\n

Yn Arian i Fadagascar, gwyddom nad oes raid cael gwrthdaro na chroesddweud rhwng datblygu, gwella bywoliaethau a safonau byw, gwella addysg, iechyd a deiet, cael d\u0175r gl\u00e2n, lloches a dillad, ar un llaw, a gwarchod a hyrwyddo\u2019r amgylchedd naturiol, ar y llall.<\/p>\n

Fel y rhan fwya\u2019 o\u2019n rhaglenni, mae ein cynllun GCGCBM yn cydnabod y gall datblygu a\u2019r amgylchedd fynd law yn llaw ac mai pobl Madagascar sy\u2019n gwybod orau beth sydd arnyn nhw ei angen i wella eu safonau byw, a sut i wneud hynny.<\/p>\n

\"\"Gyda chymorth gan CEPF, rydym wedi creu cronfa ariannol ar gyfer pobl Falagasaidd, gan gynnwys menywod, grwpau lleiafrifol bregus a phobl ifanc i sefydlu a gweithredu prosiectau sy\u2019n gwarchod coedwigoedd glaw unigryw a hanfodol Madagascar ac yn cynnyddu incwm a gwytnwch yn wyneb newid hinsawdd.<\/p>\n

Rydym wedi llwyddo i helpu cymunedau Malagasaidd i greu a gweithredu 19 VOI Communaut\u00e9s Locales de Base\/Cymunedau Lleol Llawr Gwlad (COBA), a phob un yn cynnwys tua 350 o aelodau. Cawson nhw eu rhannu yn 93 Cymdeithas Gynilion a Benthyciadau Pentref neu Grwpiau Cynilo Cymunedol.<\/p>\n

Ymhlith gwasanaethau eraill, roedd y cyrff cymunedol hyn yn darparu benthyciadau a grantiau i alluogi pobl i wella eu technegau ffermio, i hyfforddi mewn sgiliau newydd a phrynu offer a hadau.<\/p>\n

Roedden nhw\u2019n sicrhau bod yr holl aelodau yn clywed ceisiadau ac yn gwneud penderfyniadau yngl\u0177n \u00e2 benthyciadau ar gyfer gweithgareddau arfaethedig, gan gynnig cefnogaeth a chyngor ariannol i\u2019r holl aelodau wrth iddyn nhw ddatblygu a gweithredu eu prosiectau a\u2019u helpu i roi strwythur arnyn nhw ynghyd ag ystyried elfennau ychwanegol a allai gyfrannu at eu llwyddiant.<\/p>\n

Roedd ein gwaith yn galluogi a chefnogi pobl Falagasaidd i gynnal eu gweithgareddau coedwigaeth eu hunain, gan gynnwys agro-goedwigaeth, gwella lefelau cynnyrch a chynaliadwyedd amethyddol, adfer cynefinoedd diraddiedig \u2013 gan gynnwys pridd a ddifrodwyd a\u2019i golli oherwydd digwyddiadau tywydd anarferol yn sgil newid hinsawdd \u2013 a hyfforddi arweinwyr ifanc i ddarparu gwasanaethau coedwigaeth cefnogol.<\/p>\n

Roedd y cynllun yn enghraifft o fodel pwerus y gall eraill ei ddilyn, gan gyfuno ymbweru cymunedol, gwytnwch economaidd a chynaliadwyedd amgylcheddol. Roedd yn darparu:<\/p>\n