English
Cymraeg
Français
Na dia mankalaza ny Taom-baovao amin’ny 1 Janoary miaraka amin’ny ankamaroan’izao tontolo izao aza i Madagasikara, ny taom-baovao ara-tantara Alahamady Be (ny andro voalohany amin’ny volana Alahamady), dia nilatsaka ny fenomanana ny volana Marsa (araka ny kalandrie gregorianina) na manodidina an’izay.
Amin’ity taona ity, ny Alahamady Be dia nitontona ny, Alahady 30 Marsa araka ny kalendrier gregorianina.
Na dia tsy miely patrana intsony aza ny fankalazana azy dia misy ny Malagasy sasany, rehefa miverina amin’ny fomba amam-panao talohan’ny fanjanahantany indray, no manamarika izany.
Anisan’izany ny fankalazana ny fandroana – ‘’fandroana masina’’– ny fandrehetana ny afo tsy maty, na ny ‘’afo mandrakizay’’, izay atrehan’ny mpiara-monina manontolo ary tsy maintsy mirehitra mandra-pahamarain’ny andro sy ny ‘’arendrina’’, maneho ny fitohizan’ny fiainana sy ny fahazavany ao anatin’ny haizina, ary mahatonga ny hariva sy ny alina ho fetin’ny mazava.
Ny takariva ny Malagasy dia mandray anjara amin’ny atao hoe ‘’andro tsy maty’’ izay ivondronan’ny mpiara-monina miara-miaritory eo amin’ny afo.
Manao ny Santatra avy eo ireo mpankalaza, amin’ny alalan’ny fanoloana ny tsihy ho vaovao sy fanaovana akanjo vaovao, ary ny safo-rano misandratr’ando, izay ifampitsofan’ny mpianakavy rano amin’ny alalan’ny rano madio.
Ny sakafo dia karakaraina sy hohanina miaraka mba hanehoana ny fifampizarana sy ny firaisan-kina ary ny fanambinana. Izany dia ahitana ny tatao, vary asiana ronono sy tantely, vita amin’ny vary tondraka ronono sy tantely, ka apetraky ny mpandray anjara eo ambony lohany aorian’ny ‘’safo rano misandratr’ando’’ mba hiarovana amin’ny ody ratsy, ary koa ny hanim-pitoloha, ny ‘’lovia fiton’ny mpanjaka’’, izay maneho ny habetsahana sy ny fahalavorariana, ary ny nofon-kena mitam-pihavanana, izay izaraina ny hen’omby hanamafisana ny fifamatorana ara-tsosialy.
Ny mozika, ny dihy ary ny fitantarana (anisan’izany ny vakodrazana sy ny hira gasy) dia tena manan-danja mandritry ny hetsika.
Raha nandray sy anisan’ny faritra mivelatra amin’ny tontolo midadasika kokoa i Madagasikara, ny Alamahady Be dia mampahatsiahy ny fomban-drazana, ny angano ary ny fomba fanaontsika rehetra, ary na dia tsy manam-paharoa aza ny mponina tsirairay, ny soatoavina iombonantsika – ny fiainana, ny fahazavana, ny sakafo, ny mozika, ny fankalazana ary ny fiaraha-monina – dia ampahany itovizana amin’ny tantara, ny kolontsaina ary ny lova iombonan’ny taranak’olombelona.
